Nê vatîsî nêçarîya kolonyalîstanê tirk anê zû, formulê şîdeto ke heştay sere çarê nêbîyo, wazeno reyna bigurenê, hama bêyxûde! Dewleta Tirk nêşikîno kirmancan îdare bikero, neşikîno înê sa bikero, çike mordemo faşîst xo ra beyir qe kês rê tavat nêkeno. Faşîst teyna xo vîneno, barekerdene nêzaneno, ebi dizdîyê û pustîye xo îdare keno. Mordemo faşîst vera milet û ideoloyê ciya de dismenîyo keno, yeno ke înê wedaro. Waxto ke Hîtler amaybî hûkmat, sifte dest be mal û pereyê yahudîyan kerd, pê mal û pereyê yahudîyan çand serê bîn ekonomîyê Almanyayî îdare kerd. Waxto ke Hîtler sîstemê Nasyonalsosyalîzm rona, verê Yahudîyan, Polan, Cekan û Rusan de ceng kerd ra, leteyê Ewrupayî ser dest na ro. Halbike Hîtler rewera jûyode vilekuz bî, hona ke Hîtler namdar nêbî, berdosene kerdene, tevera kutene ra, parkanê vîyana de sewe kerdene roze û nêşikîyene cayede bikûyo kar. Xora mordemê hênewan sebebê kederê xo, xo de nêfetelîne kesê bîn ya kî kesanê bîn de saye kenê.

Nika çikê Erdogan û Bahcelî faşîstê Hîtlerî ra kêm o? Çi ferqê dîne Hîtler ra esto? Kemalîzm, Mîllî Gorus ya kî Bozkurtîye, têdine de royê fetîh û mantiqê faşîzan esto. Ê ebi emeg û duristîye nêşikînê sunika xo îdare bikerê, belka a seweta ra bîyê sîyasetmedar. Çi heyf ke sarê Tirk poşte dano dînê rê, adir kenê ceyê xo, yê ma xora daîma veseno.

Na raye Kirmancî înîsyatîf cenê destê xo, eke otonomî wazenê otonomî nanê ro ya kî cîyêde bîn, hama reyna nêxapînê, însalla. Qayite ci bikenîme, bivînenîme!