Ez mıneta xo kamira bıkeri? Yemı sürelaye cacımiyo ,sano chımıne mı ver…Na dina keno pırocıne
sanno ra, ez gın warro tu mana…
     Cerx dan je perperıke, ez vera sodir mıren, tu sere dinade ebe asporira(astorira) fetilina. Tu sekena, tu sebena…
    Ez roce hata keno sondi ké,ferré zoniyone mıdé ne mana.Ye tu pizze tu mırdo,herdisa tora muye ne gına warro…
    Yemı sere dinade inkarbiana, be name, be hesa, be zo, be welat, be hardi, be asmeniya. Ye tu saltanato, reqeso, çefu xwayiso…
   Yemı raamı tırro kaso, sere koyude bena vindi,yetu tede duzo nermendo,kameci het ser şere raa tu tu ve bena ya…
   Yemı ara sodırde xoncıkedé ağuyo doraqo,yetu ververe dengıjdé shıte mılchıkono.Yemı samiya mıde qotıko,yetu nezon havyaro nezon chıko…
      Yemı name mi na dugelede neneo wendené, ye tu kam chızono kameci dugelede çhefo saltanato
Ma ez qedere xore savaci,nıka kamire  mınete bıkeri.ez bızonke na sere dina axıri roze mare yena imo,mare bena duze,mı wad kerdoke roce biceri chewres rocé…
      Dewarane na dina tayine destte je areyi cereno.Feqıro ser  qe ne qunio.deste yinora wenca sono deste yino…
       Ma nu sene sodıro sene sono, nu sene usaru sene payızo. Sar  chefe xo ser sodıre xo sone xo,yema tede gonia,berbayıso…
    Mı vıle xo kerde chwut ,ververe diwaride niştoru,gosonemıde venge domono jıbayis e domono,
ax ez tore  savaci …
    Ez mınetaxo kamira bıkeri, kam nıka xatıre jar u dairi zonoke? Kam dest erceno bare isoni.Kamire vana ké bıra…
   Ez hale xo kamire vaci.Dırbete mı sere xo quhıl neceno.İkraremı kewrayemı  kham gos nanomıser ké….
   Kham destone mı cenopé ké,kamira mınete bıkeri?kham halemı perskeno.Ez kamira mınete bıkeri?
Hale xo ser na kılame sımare vaci

Kes halemı pers nekeno
Ez derde xo kamire vaci
Weso merdo kes nezono
Ez derde xo kamire vaci

Hete mara hete mara
Kesi neno hete mara
Alboze çıno welatra
Ez derde xo kamre vaci

Ne zo zono ne wendis
Rao welağemı çıne mendo xepis
Ezo ğerb ezo bekes
Ez derde xo kamre vaci