Lütfen bekleyin.. Lütfen bekleyin..
Dımıra, ğezebê henıniya amay kê… Vat gereko kemerê kemerê sero, lızgê darê sero, sereykê lesê sero nêmano. Xora kê hen kerd. zulmo henên isanê mawa bi kê daru ber, mor mılawun, ther thurra çı kı eşt bi herdê dewreştê hemuyê ni zulımra neşibê xo guret! Qirraysê domanu, qirraysê cenu, çenaku, veciya ersala, veca asmen hama venge inu nê kes heşiya pê, nê kê kes cırê wayir vecia. Teynaybi wertê deru derxunandê. Bê kes bê wayir…
Dımera ebe deste bebextuna serê mordemanê hewlu kırısnayi berdi Xarpet, ucadı verê pilonê Tırk’u dê tek bê tek sanay têver. Hurendiyê dê ebı her ju serey ser Alpdoğanira haleti gureti. Bado ni halet tayınerê bi ğezna, taynerê bi çık gınay çhero, waru wurt tedê rızna, welê vay dê cıra azu uz nêmend. Vanekê kermê darê ki nebiyenê Desım dê hendê zav zec nıngonê zorbazu ver neşiyenê.
Hemuyekê qediyê goniweranê Desım itara dest payê xo şuti hen şi. kıncê xuyê gonıni veti kıncê sıpi guret pıra. Vat, dawa mına phonc sey serru. Peyniyedê mı na ebı adeto torê xuya halê kerdê, cıra xeleşiyu ra.
Meyıtê Kırmanc’u tici verra vergonê mend. Çengê herrı cırê neşib nêbiyê. Hurendiya mezelanê zaf tenu xona beli niya. Ebı çefa Tayê qır kerdi, tayê kerd vindi.
İyekê herdê dewreştê wes mandi, gulia xo haura kerdi. Va kê Coro roca rındê neveno, kerdenakê ebê mawa kerdi azu uzê inana pers bıro! Gunama, guna domanu hebıno şa bo vılê goni werunde axır waxttı rasaniyo.
Zewtê domanu, zewtê cenü bê çenakanê azebu, zewtê sewu ebı bekesu a rocêbê na roca bi mor, pıloşa vılê dewleta Tırk’ro, axı nêverda ra, mecal cı nê da, herkê destê xo şüti aynê dê serkerd, Dersım ama viri. Be heün mandi. Çeberra bela khem nebi. Vatena mı awa kı. Na dinadı a dinade deste ma axe inundero. Hatakı texte isanetiye de inu na teyniya şae riye xora kerde pak, guna xo qebul kerde.
Bara marê xelê waxt ma dırbeti xo dardê wê. Derdê xo, xo bı xorê vati. Mabenra serri amay şi!
Bado cenci veciyai, torne inu veciyai qabuxê dırbetonê Dersım nêwedê dayi ya, nêwedê hemuyê amê zon, koti dowa Kırmanciyê dımê. çöwres serra kı na dowa sero camaddere. Vane Osmaniyera nato kı vele mara cawro la kem nebi. Na ye ser Texte isanetiyede heqa xo wazeyme. Hama qereze kefırsendiye dewlete coyro ma serra kem nebe no. Hatıra vane ma bırayme, hatıra dewu,suku vesnene hatıray kı, newu qanunu vecene be mawa cabı ca ejatu kene.
Herkes zano kê serê şaina ma teyna 37-38 niyo! Ucara raver ki ma daymêt ejat diyo, honay kı nu ejat xona ma serra kem nebiyo. Naye ser netê ma uyokê, serrê heqi na rocê her cade biyarimê zon, vacim; “na roze roza serê şaina ma wa” Na roca şayê dê 70 hazar isanê Kırmanc ama qırkerdenê serba welatê xo, serba zonê xo, serba itıqatê xo.
Vatenam awa kı. Goniweru hem nu heng be maya kerd, hemi inkar kerd. Gereko rışayina inu, telbışiya inu,her cade riyê inu sanim. sarê dinarê. Ni derdê xo, ni khulexo pero pia vacimê. Dero ciran, Berê serba na roze pres jubin dimi. Na era tepia. Herde dewreşi de çarê gulanêkı ama pero pia a roze sonde serba qırkerdaiyna Desimi verê çeberune xode çılu cıfimi. Zê roca Xızır, her serrê na waxt dê berimê tê lewê, hirıso heşt de qa teberra pero piya ronişim. Çhılone xo çıfim miazu vılaykim. Serba zav zeci serbe ceniyu çeneku serba seydu ne Desimi serra heqi na roca şayê dı tedini biyarimê xo vir.
Dersim Gazetesi / Mayıs-Haziran sayısından
