Ma hêrişan ver de sere nêronenî

Bi KHKyan zaf akademîsyenî zî gureyê xo ra ameyî îxraçkerdiş. Tena Unîversîteya Anatolya ya Eskîşehîrî ra 28 akademîsyenî îxraç bîyî. 

Wendekara Unîversîte ra Zelal Yardimciye babete ser o qisey û wina va: “Unîversîteyî hêrişan ver bîyî sey merkezê polîtîka. Hêrişan reyde şarî rê mesajê ‘eke şîma hetê kurdan de bibî do vera şima de zî hêrişî bibî’ yeno dayîş. Wendekarî kişta mamostayanê xo yê ke karî ra ameyî îxraçkerdiş de ca gênî. Na rewşe Kampusê Cebecî yê Unîversîteya Anqara de baş ame dîyayîş. Akademîsyenî erdî ra ameyî kirantiş. Komel de ca nêdîyeno kesanê muxalîfan. Ma bi hawayo baş zanî ke hedefê îxraçkerdişan sewbîna çî yo. Tirkîya de bedêlê muxalîfbîyayîşî bi hawayo giran yeno antiş. Ma hêriş û neheqîyan ver de sere nêronenî.”